Avaliación exhaustiva do sistema visual, co obxectivo de acadar o máximo rendemento visual.
Nas avaliacións optométricas estudamos as dificultades visuais dende o densenvolvemento e o comportamento, facendo unha valoración global e analizando como está a utilizar cada individuo o seu sistema visual. Elaboraremos, se fose preciso, un plan de traballo personalizado co obxectivo de mellorar o rendemento e a efectividade do sistema visual do paciente.
Facemos avaliacións optométricas completas dende os 6 meses de idade, avaliando de maneira específica todas as áreas da función visual.
Existen dous tipos de exames optométricos dentro de una valoración visual completa:
Exame funcional
- Agudeza visual.
- Refracción.
- Motilidade ocular.
- Binocularidade.
- Acomodación.
- Test de cor.
- Estereopsis.
- Sensibilidade ao contraste.
- Integridade das estructuras oculares. (topografía, exame fotográfico de polo anterior e retinografía, tensión ocular).
Exame perceptivo visual
Avaliación das habilidades cognitivas visuais necesarias para extraer e organizar a información visual recibida da contorna, así como o xeito de integrala con outras modalidades sensoriais e funcións cognitivas superiores.
1. Habilidades visuo-espaciais. Gracias a elas desenvólvense os conceptos espaciais tanto internos como externos, que permititen facer xuizos espaciais:
- Integración bilateral.
- Lateralidade.
- Direccionalidade.
2. Análise visual. Capacidade para analizar e discriminar visualmente a información recibida:
- Discriminación visual.
- Memoria visual.
- Relacións visuoespaciais.
- Constancia de formas.
- Memoria visuosecuencial.
- Figura fondo.
- Peche visual.
3. Integración visuomotora. Avaliase como o sistema visual se comunica e relaciona coa información motora:
O 70 % da información sensorial que chega ao cerebro faino a través da vía visual, por iso todas as habilidades, tanto a nivel funcional como perceptivo, influirán na apredizaxe e nas actividades que realizamos diariamente.
Facer unha avaliación completa e exhaustiva da vía visual permitiranos elaborar un protocolo optométrico individualizado para os nosos pacientes e derivar correctamente a oftalmoloxía ou a outros profesionais sanitarios ( fisioterapeutas, osteópatas, podólogos, odontólogos…) se fose necesario para o correcto tratamento da doenza.
